Opið hús: 27. apríl 2025 kl. 15:15 til 16:00.

Opið hús í Lyngheiði 10, 200 Kópavogi, sunnudaginn 27. apríl milli kl. 15:15 og kl. 16:00. Verið velkomin.

Valhöll kynnir vel skipulagt og bjart einbýlishús á einni hæð með bílskúr á eftirsóttum stað á Lyngheiði í Kópavogi. Húsið er teiknað af Kjartani Sveinssyni. Frábært fjölskylduhús á góðum stað.

Staðsetningin er mjög heillandi í rólegri götu með opnu útivistarsvæði og útsýnisskífu í nokkurra skrefa fjarlægð. Skólar og leikskólar í göngufjarlægð. 

Húsið er skráð 182 fm á stærð og skiptist í 136,2 fm íbúðarrými, 15,8 fm sólskála og 30 fm bílskúr. Til viðbótar er um það bil 12 fm gestahús á baklóðinni sem er óskráð. Heildareignin er því um 194 fm á stærð. Lóðin er 604 fm.

Eignin skiptist í forstofu, gestasnyrtingu, þvottahúsgang, tvær geymslur, hol, stofu, eldhús, fjögur svefnherbergi, baðherbergi, sólstofu og bílskúr. Í bakgarðinum er viðarverönd, heitur pottur (hitaveitu) og gestahús með salerni og útisturtu.

Hér má sjá grunnteikningu og útlitsteikningar af húsinu.

Frekari upplýsingar veitir Snorri Björn Sturluson fasteignasali / lögfræðingur í síma 699-4407 eða í tölvupósti á netfangið [email protected] 

Nánari lýsing:

Forstofa: forstofan er með fataskáp og flísum á gólfi. 
Gestasalerni: gestasalerni er innaf forstofu með flísum á gólfi.
Þvottahúsgangur: þvottahúsgangur er innaf forstofu með vinnuborði, skolvaski, flísum á gólfi og útgengi á lóð. 
Geymslur: innaf þvottahúsgangi eru tvær geymslur.
Eldhús: eldhús með snyrtilegri hvítri innréttingu með efri og neðri skápum ofni í vinnuhæð, tengi fyrir uppþvottavél og flísum á gólfi.
Stofa og borðstofa: stofa og borðstofa eru samliggjandi í björtu alrými með aðgengi að eldhúsinu á tvo vegu, viðarparketi á gólfi og útgengi í upphitaðan sólskóla. 
Sólskáli: sólskálinn er með flísum á gólfi og þaðan er svo útgengt í garðinn. Undir sólstofunni er kjallari sem nýtist sem geymsla. Hann er óskráður.
Svefnherbergi: svefnherbergin eru fjögur, eitt innangengt frá stofurýminu og hin þrjú eru á svefnherbergisgangi ásamt baðherberginu. Búið er að skipta um alla glugga og gler í herbergjunum inn af svefnherbergis-gangi, þmt. baðherberginu. Svefnherbergin og gangurinn eru öll með viðarparketi á gólfi.
Baðherbergi: baðherbergi með baðkari, sturtuklefa, innréttingu og flísum á gólfi og veggjum.
Bílskúrinn: bílskúrinn er 30 fm á stærð með hita og rafmagni og er innangengur bæði úr garði og frá bílaplani. 
Garðurinn: garðurinn er gróinn og viðhaldsléttur. Stór afgirt timburverönd, hitaveitupottur á aðskildri verönd og gestahús með gluggum, hita, rafmagni, salerni og útisturtu.

Húsið hefur verið endurnýjað að hluta að innan ásamt því að búið er að endurnýja glugga og gler að hluta og frárennslislagnir samkvæmt fyrri eigendum. Kominn er tími á að endurnýja þakjárn og þakpappa.

Nánari upplýsingar veitir:
Snorri Björn Sturluson fasteignasali / lögfræðingur í síma 699-4407 eða í tölvupósti á netfangið [email protected]

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valhöll fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.